تعمل ايه لو رحت تجيب تموين وتاجر التموين قالك البطاقه غير مستحقه أو رحت تجيب عيش وصاحب المخبز قالك البطاقه عليها تظلم .
كيفية عمل تظلمات التموين اضافه فرد فى التموين
 |
| كيفية عمل تظلمات التموين|اضافه فرد فى التموين |
بص يا سيدي تاخد بطاقه التموين وتروح مكتب التموين وتسأل الاستاذ المختص بالكمبيوتر ايه سبب وقف البطاقة لو قالك تظلم فكده فكده عندنا حالات معينه بنعملها تظلم هنوضحهم واحده واحده وتعمل ايه
1-تظلم كهرباء ودا معناه بتستهلك كهرباء كتير
2-تظلم سياره يعني عندك عربيه 2011 وجاي
3-تظلم مصاريف دراسيه يعني اولادك في مدارس خاصة بتدفعلهم 30الف في السنة أو أكثر
4-مرتب حكومي مرتفع أو معاش مرتفع ودول لو انت موظف او بتقبض معاش
5-جمارك عاليه يعني بتدفع اشتراكات جمارك كتيره في الاستيراد والتصدير
6-فاتوره محمول عاليه يعني بتستهلك مبلغ اكتر من 800جنيه في الشهر على المحمول
7-حيازه زراعيه يعني عندك ارض زراعيه اكثر من 10افدنه
طب لو في حالة من دول والموظف قالي عليها
ركز بأه علشان تقدر تفهم
كيفية عمل تظلمات التموين
كيفية عمل تظلمات التموين
اولا -بتجيب ملف من اي مكتبه وتصور البطاقه الشخصيه ليك ولزوجتك ولو معاك اولاد بتصور بطاقاتهم أو شهايد ميلادهم وصوره بطاقه التموين دول الأساس في كل التظلمات
ثانيا-بتعرف من موظف التموين مين في البطاقه عليه تظلم فرد ولا اتنين ولا كلهم في جميع الحالات بتذهب مباشره على الجهه اللى موظف التموين حددهالك وتجيب منهم إفادات بعدد الأفراد ال الموظف قالك عليهم سواء من شركه الكهرباء او وحده المرور أو الجمارك التابع ليها أو الجمعية الزراعية أو شركه المحمول أو المدرسه او التأمينات أو جهه العمل وهكذا
وبعد ما تجيب الافاده بتحطها في الملف ال انت عامله واطلع سلمها مكتب التموين
بعدها موظف التموين بيعمل كشوف واسطوانه بالملفات وبتروح المديريه
طب في سؤال ناس كتيره هتقول أنا عامله تظلم والبطاقة لسه ما اشتغلتش بنحب نطمنك أن دا أمر عادي لان الوزاره بتمد كل شهر فتره التظلمات وفي تدقيق جامد في البيانات علشان تقدر توصل الدعم لمستحقيه فكده كده بطاقتك هتشتغل لو تظلمك قبل سواء شهرين او أكثر
ارجو أن يوفقني الله في توصيل المعلومه بشكل مبسط لحضراتكم
اخيكم ياسر رئيس مكتب تموين
التموين
تجديد بطاقه التموين
تقديم تظلم التموين
كيفيه اصافه شخص لبطاقه التموين
التموين
تجديد بطاقه التموين
تقديم تظلم التموين
كيفيه اصافه شخص لبطاقه التموين